Helpwch Ni i Ddangos Effaith Gwaith Cynghorau – Arolwg Effaith Gymdeithasol
Mae Gwaith Eich Cyngor yn Bwysig – Llanwch yr Arolwg Costau Byw
Annwyl Glerc / Cynghorydd,
Rydym yn falch o rannu’r Arolwg Effaith Gymdeithasol, y mae Un Llais Cymru wedi comisiynu Wavehill i’w gynnal ar ein rhan.
Bydd yr arolwg hwn yn ein helpu i adeiladu darlun cenedlaethol o sut mae Cynghorau Cymuned a Thref wedi cefnogi pobl leol yn ystod yr argyfwng costau byw.
Mae hwn yn ymchwil hollbwysig ar gyfer y sector. Bydd yn ein galluogi i ddangos yn glir:
- maint, ystod ac effaith gweithgarwch Cynghorau
- sut mae Cynghorau wedi cynnal gwytnwch cymunedol a llesiant
- a gwerth y gwaith hwn i Lywodraeth Cymru a phartneriaid allweddol
Gyda’i gilydd, bydd y dystiolaeth hon yn helpu sicrhau bod Cynghorau Cymuned a Thref yn cael y gydnabyddiaeth, y dylanwad a’r adnoddau maen nhw’n eu haeddu.
Beth rydym ei angen gennych chi:
Rydym yn gofyn i bob Cyngor lenwi’r arolwg gyda chymaint o fanylion ag y gallant.
- Gall y Clerc lenwi’r arolwg ac nid oes angen iddo fynd i gyfarfod Cyngor llawn.
- Gallwch holi cydweithwyr neu Gynghorwyr i helpu darparu gwybodaeth.
Mae cefnogaeth ar gael:
Cymerwch foment i wylio’r neges fer gan ein Prif Weithredwr, Lyn Cadwallader, isod, yn esbonio pam mae’r arolwg hwn mor bwysig:
Byddwn hefyd yn cynnal rhywfaint o sesiynau galw heibio ar-lein ar gyfer unrhyw un sydd angen arweiniad, eglurhad neu gymorth i lanw’r arolwg:
Sesiynau Galw Heibio:
Dydd Iau Tachwedd 13eg 1-2pm
Dydd Llun Tachwedd 17eg 6-7pm
Dydd Mercher Tachwedd 19eg 1-2pm
Dydd Mawrth Tachwedd 25ain 1-2pm
Dydd Iau Tachwedd 27ain 6-7pm
Cliciwch y botwm ar gyfer y ddolen i’r Arolwg, isod:
PDF o Gwestiynau’r Arolwg
Diolch ichi ymlaen llaw am eich cyfraniad.
Trwy ymateb, rydych yn ein helpu i adrodd gwir stori effaith gwaith Cynghorau a chryfhau llais y sector ar lefel genedlaethol.
Diolch ichi am eich cefnogaeth ac am bopeth a wnewch.
Cofiwch gysylltu os ydych angen unrhyw help neu gymorth: [email protected]