Mae Un Llais Cymru yn cynnig cyfres o gynadleddau a digwyddiadau thematig ar y cyd trwy gydol y flwyddyn galendr. Mae’r rhain fel arfer yn ddigwyddiadau rhithwir/ar-lein gan gynnwys gweminarau, cyfarfodydd, cyngor ac arweiniad, ac weithiau hyfforddiant ac ymgynghoriadau. Rydym yn gweithio’n agos gyda’n partneriaid strategol i gynnig y cyfleoedd gorau i Gynghorau Cymuned a Thref gymryd rhan yn y digwyddiadau hyn ac i gael y wybodaeth ddiweddaraf am newidiadau pwysig i bolisïau a deddfwriaeth o fewn y sector.

Mae ein digwyddiadau ar y cyd yn ymddangos isod:

Un Llais Cymru a Chymorth Cynllunio Cymru –
Digwyddiad Ar-lein ar y Cyd

“Gwella ein Lleoedd Lleol – Astudiaethau Enghreifftiol a Diweddariadau Cynllunio o Gymru”

Dyddiad: 19 Mawrth 2026, 10:30yb–1:30yp (ar-lein:Teams)
£53 yr un

Rydym yn falch iawn o gyhoeddi fod Un Llais Cymru a Chymorth Cynllunio Cymru wedi dod at ei gilydd unwaith eto i drefnu digwyddiad ar y cyd ar gyfer Cynghorau Cymuned a Thref, fydd yn galluogi Cynghorwyr a Chlercod i glywed am y syniadau a’r cynlluniau diweddaraf am yr heriau a’r cyfleoedd cynllunio sy’n wynebu ein cymunedau a’n trefi ar hyn o bryd.

Rydym yn ffodus i groesawu Cyngor Tref Penzance a fydd yn darparu astudiaeth enghreifftiol ddiddorol o’u gwaith ar Gynllun Bro ar gyfer eu cymuned. Byddwn hefyd yn croesawu astudiaethau enghreifftiol gan Gynghorau o Gymru ar eu Cynlluniau Bro. Bydd yr astudiaethau enghreifftiol hyn yn gwella eich dealltwriaeth o sut all y system gynllunio greu cyfleoedd adfywio hirhoedlog ac effeithiol gyda chefnogaeth cymunedau. 

Byddwn hefyd yn darparu nifer o ddiweddariadau cynllunio defnyddiol gan gynnwys:

• Diweddariadau cyfreithiol (Bil Cynllunio (Cymru) arfaethedig a Deddf Seilwaith Cymru 2024)
• Diweddariadau polisi cynllunio gan gynnwys cyngor ar lifogydd a niwtraliaeth maetholion.
• Diweddariadau cynllunio strategol – Cynlluniau Datblygu Strategol yng Nghymru a sut fyddant yn effeithio ar eich ardal leol.

Fe fydd sesiwn hefyd lle y byddwn yn cynnig canllawiau i Gynghorau Cymuned a Thref wrth ymdrin â chais cynllunio mawr yn eu cymuned a sut orau i ymateb.

Bydd hwn yn ddigwyddiad llawn gwybodaeth i bawb sydd â diddordeb mewn Cynllunio, cynaliadwyedd, a mynd i’r afael â materion lleol. Fe fydd cyfle hefyd i gael trafodaeth agored rhwng yr holl gynrychiolwyr a siaradwyr,

Rydym yn gobeithio’n fawr am lefel record o bresenoldeb ac rydym yn eich annog chi i gymryd o leiaf un lle yn y digwyddiad anghysbell hwn.

Cliciwch ar y ddolen isod i archebu lle ar y digwyddiad hwn:

• Archebwch eich lle

Digwyddiadau Blaenorol

Digwyddiad ar y Cyd 2025: SLCC ac Un Llais Cymru

Rheoli Amgylchedd Newidiol – Managing a Changing Environment

Ymunwch â ni am gynhadledd rithwir ddiddorol ddydd Mercher 12 Tachwedd 2025, yn gyfan gwbl ar gyfer clercod, gweithwyr cynghorau lleol a chynghorwyr yng Nghymru, a gynhelir yn falch gan Gymdeithas Clercod Cynghorau Lleol (SLCC) ac Un Llais Cymru. Gyda’r thema amserol ‘Rheoli Amgylchedd Newidiol’, bydd y digwyddiad hwn yn archwilio sut y gallwch chi lywio heriau sy’n esblygu mewn llywodraeth leol.

Bydd y rhai sy’n mynychu yn clywed mewnwelediadau gan Rob Smith, Prif Weithredwr SLCC, a Lyn Cadwallader, Prif Weithredwr Un Llais Cymru, yn ogystal ag elwa o fewnwelediadau hyfforddi ymarferol a sesiynau dan arweiniad arbenigwyr ar gyflogaeth, bioamrywiaeth a chynllunio, gan gynnwys y diweddaraf gan Gymorth Cynllunio Cymru. Peidiwch â cholli’r cyfle hwn i gysylltu, dysgu a chryfhau eich rôl wrth lunio cymunedau gwydn a chynaliadwy.

Digwyddiadau Blaenorol

DIGWYDDIAD AR Y CYD RHWNG UN LLAIS CYMRU/SLCC: FFRAMWEITHIAU MOESEGOL YNG NGHYMRU A LLOEGR

Cynhaliodd Un Llais Cymru a Chymdeithas Clercod Cynghorau Lleol (SLCC) ddigwyddiad pwysig ar 14 Mai 2025 i archwilio datblygiadau allweddol, heriau, ac arfer gorau wrth gynnal safonau uchel mewn llywodraethu lleol.

Roedd y digwyddiad yn un arbennig o bwysig i Gynghorau gan ei fod yn edrych ar y fframweithiau moesegol yng Nghymru a Lloegr ac yn trafod y meysydd canlynol:

Cael golwg ar warineb, parch, a safonau moesegol mewn cynghorau lleol; Clywed gan arbenigwyr cyfreithiol, arweinyddion polisi, a chynrychiolwyr cynghorau; Deall rôl swyddogion monitro a phwyllgorau safonau; Dysgu am effaith ymddygiad moesegol gwael ar ddemocratiaeth; Cymryd rhan mewn trafodaethau ar fynd i’r afael â bwlïo ac aflonyddu.

Roedd gennym siaradwyr o swyddfa Ombwdsmon Gwasanaethau Cyhoeddus Cymru, Llywodraeth Cymru, Swyddogion Monitro, Un Llais Cymru a’r SLCC.

Tysteb

I mi, y pwyntiau strategol a gymerais oedd y ffordd yr oedd swyddogion proffesiynol, trwy SLCC, a chynghorau/cynghorwyr, trwy Un Llais Cymru, yn gallu dod at ei gilydd gyda nod cyffredin hyd yn oed os oedd ganddynt safbwyntiau gwahanol, ac i ddylunio a chyflwyno’r diwrnod yn llwyddiannus. Roedd yr agenda’n dangos agwedd amlochrog y pwnc o fframwaith moesegol a’r effeithiau y mae’n ei gael ar/ar staff, cynghorwyr, cynghorau, a’r cyhoedd.

Pe bai yna ddau gyfle dysgu allweddol i mi, y ffaith bod methu â chael a dilyn fframwaith moesegol yn tanseilio democratiaeth ei hun a bod angen cymorth ac adnoddau cyson ar y fframwaith moesegol ei hun.

Da iawn SLCC ac Un Llais Cymru gyda’i gilydd. Fel y dywedwn yng Nghymru “Together Stronger – Gorau Chwarae Cyd Chwarae”.

E J Humphreys
Clerc y Dref
Cyngor Tref y Drenewydd a Llanllwchaearn

Peidiwch ag anghofio ymweld â’n Calendr ar-lein i weld beth rydyn ni wedi’i drefnu ar gyfer 2026!

Cysylltwch â ni os hoffech ddysgu mwy am ein gweithgareddau a digwyddiadau cydweithio, e-bostiwch [email protected] neu ffoniwch y swyddfa ar 01269 595400.