Gwasanaethau Llesiant a Chefnogaeth

Mae Cynghorau Cymuned a Thref yn hollbwysig wrth fynd i’r afael â’r argyfwng costau byw – arwain gyda thrugaredd, cysylltu cymunedau, a darparu cefnogaeth lle y mae ei hangen fwyaf.

Mae’r dudalen hon yn cynnig canllawiau, dolenni ariannu, ac enghreifftiau o beth sy’n gweithio ledled Cymru i helpu cynghorau i weithredu, cysylltu cymunedau, a chefnogi pobl mewn angen. Os ydych yn cychwyn rhywbeth newydd neu’n adeiladu ar waith sy’n bod yn barod, gall yr adnoddau hyn eich helpu i wneud gwahaniaeth gwirioneddol.

Archwiliwch syniadau, astudiaethau enghreifftiol, a dolenni ariannu i’ch helpu i gynnig cefnogaeth effeithiol – o hybiau cynnes a chymorth bwyd i wasanaethau iechyd meddwl a chynhwysiant digidol, gallwch ddarganfod sut allwch helpu gwella llesiant yn eich cymuned.

Adnoddau i Gynghorau

Cyfeirio at Gymorth – Ble i Gyfeirio Pobl Leol

Helpwch bobl sy’n wynebu anniogeledd bwyd trwy eu cyfeirio at yr adnoddau cenedlaethol a lleol hyn:

• The Trussell Trust – Dewch o Hyd i Fanc Bwyd
• Cynllun Cychwyn Iach – cymorth i famau beichiog a mamau â phlant ifanc
• FareShare Cymru – Bwyd Dros Ben ar gyfer Elusennau
• Mind – Cynnal Llesiant
• Help gyda chostau byw – Cyngor ar Bopeth
• Y Samariaid
• Banciau bwyd lleol, oergelloedd a phantris cymunedol – Cysylltwch â’ch cyngor lleol

Beth All Cynghorau Wneud

• Sefydlu neu gefnogi hybiau cynnes – Lleoedd cynnes, croesawgar lle y gall pobl gadw’n gynnes, cysylltu, a chael cyngor.
• Cefnogi mentrau bwyd – Cefnogwch fanciau bwyd, oergelloedd cymunedol, a chynlluniau prydau cost isel neu rhannu’r gost.
• Creu canolfan un alwad ar gyfer cefnogaeth – Darparwch fan canolog ar gyfer cyngor ar fudd-daliadau,cyfeirio pobl at help gyda thai, ynni, a dyledion.
• Cydweithio gyda sefydliadau lleol – Gweithiwch gyda chymdeithasau tai, byrddau iechyd, ac elusennau i gynnig sesiynau cynghori ar y cyd neu wasanaethau allestyn.
• Cefnogi Siediau Dynion a grwpiau lleol – Talwch am leoedd sy’n lleihau unigrwydd ac yn hyrwyddo llesiant trwy weithgareddau a rennir.
• Gwella mynediad digidol – Cynigiwch Wi-Fi cyhoeddus, benthyca peiriannau, neu sgiliau TG sylfaenol i helpu pobl i fynd ar-lein.
• Galluogi mwy o bobl i dderbyn gwasanaethau hanfodol – Cefnogwch drafnidiaeth gymunedol a gwasanaethau allestyn symudol ar gyfer pobl mewn ardaloedd anghysbell.
• Hyrwyddo cyngor ymarferol – Rhannwch awgrymiadau clir, ymarferol ar gyllidebu, arbed ynni, a chynigion lleol trwy gylchlythyron a hysbysfyrddau lleol.
  
  

Enghreifftiau o Gymru:

• Mae Cyngor Tref Prestatyn yn cynnig sesiwn llesiant o’r enw ‘The Singing Strummers’ mewn Partneriaeth â MIND.
• Mae Cyngor Tref Blaenafon yn cynnal y clwb Ffilm Cyfeillio er mwyn dod â phobl sydd yn gymdeithasol unig at ei gilydd.
• Cynhaliodd Cyngor Cymuned Y Mwmbwls Ddiwrnod Hwyl i’r Teulu i ddod â’r gymuned at ei gilydd ac fe gynigiwyd bwyd am ddim.
• Cafodd Cyngor Tref Gorseinon arian ar gyfer rhaglen goginio.

Gwybodaeth am Ariannu & Chyfleoedd Posib

• Waterloo Foundation
• WCVA – Dewch o hyd i arian i’ch mudiad
• Sut i wneud cais — The Moondance Foundation
• Sefydliad Cymunedol Cymru
• Arian i Bawb Y Loteri Genedlaethol – Cymru
• Lloyds Bank Foundation
• Cronfa Gymunedol Dŵr Cymru
• Cyngor Celfyddydau Cymru – Rhaglen Creu
• Cronfa Cymunedau Eryri
• Sefydliad Cymunedol Cymru
• Teclyn Chwilio Cyllid Cymru

Cysylltwch

Eisiau rhannu beth mae eich cyngor yn wneud neu ofyn am gefnogaeth?

Ebost: [email protected]
Ymunwch â’r Sgwrs: Argyfwng Costau Byw – Grŵp Facebook