Gwasanaeth
Cymunedau Cyfeillgar i Oed
Mae Un Llais Cymru yn annog Cynghorau i gymryd rhan mewn gweithgareddau Cymunedau sy’n Gyfeillgar i Oed, ymgynghoriadau, gweminarau a chyfarfodydd ar-lein yr ydym yn eu trefnu ar y cyd â phartneriaid allweddol.
Strategaeth Llywodraeth Cymru:
Canolfan Heneiddio Gwell
Mae’r ‘Ganolfan Heneiddio’n Well’ wedi cyhoeddi llawlyfr newydd ar gyfer unrhyw un sy’n gweithio mewn neu gydag awdurdodau lleol sydd eisiau deall beth sy’n gwneud lle yn gyfeillgar i oed.
Gan ddefnyddio fframwaith Sefydliad Iechyd y Byd, mae’n dangos y gorgyffwrdd rhwng gwahanol feysydd polisi a pham ei bod yn bwysig dod â rhanddeiliaid lleol a’r rhai sy’n gwneud penderfyniadau ynghyd i wneud newid. Mae’n seiliedig ar arbenigedd academaidd, tystebau gan bobl hŷn a dysgu oddi wrth Rwydwaith Cymunedau sy’n Gyfeillgar i Oed y DU.
Ochr yn ochr â’r llawlyfr mae offeryn mapio ar gyfer lleoedd i’w defnyddio i nodi’r hyn sydd eisoes yn digwydd yn eu hardal, sut y gall rhanddeiliaid a phreswylwyr hŷn gymryd rhan, a lle gallai fod bylchau neu gyfleoedd i wneud mwy. Mae’r offeryn mapio yn ddelfrydol i’w ddefnyddio yn ystod camau cynnar gwaith sy’n gyfeillgar i oed, neu wrth adnewyddu cynllun gweithredu sy’n gyfeillgar i oed. Gellir ei lawrlwytho i’w ddefnyddio fel PDF y gellir ei olygu neu ei argraffu i’w gwblhau â llaw.
Age-friendly Communities – Mapping Tool (ar gael yn Saesneg yn unig)
Age-friendly Communities – Handbook (ar gael yn Saesneg yn unig)